Lawngtlai District Chawnhu-a Krishi Vigyan Kendra (KVK) chuan kawng hrang hrangin Buh leh thlai chin leh tharchhuah kawngah midang zirtir leh kawhhmuhin hmalakna an kalpui renga, an hmalakna peng pakhat, Chuktuah huan (Nutri Garden) chu hlawhtling takin kalpui theih a ni an ti. KVK, Chawnhu hian tun tuma Nutri Garden an siam hi School naupang chaw chhun (Mid Day Meal) atan an ruahman a, Badam, Carrot, Brocolli, Parbawr, Tomato, Knolkhol leh Motor chana te an chinga, a seng theih ang seng nghalin, School naupang chaw chhun atan an pe nghal a ni.
Chawnhu KVK Office Complex a Chuktuah huan an siam chu Government Primary School, Chawnhu a Zirlai leh Zirtirtuten an tlawh a, an thlai chin te seng theih a nih tak vangin Government Primary School, Chawnhu a Zirlai leh Zirtirtute chuan nimin khan Nutri Garden hi tlawhin, KVK mithiamten, mahni In bul leh dai hnai, hmunawl remchang ah hlawhtling taka thlai tharchhuah mai theih a nih thute, mahni intodelh nan a tangkai a nih thu te Zirlai naupangte hi hrilhfiahin, thlai an enkawl dan tlangpui an sawifiah bawk.
Government Primary School, Chawnhu Headmaster chuan KVK Chawnhu, Lawngtlai ten Zirlai naupangte thlai chin dan ah kawng tha tak an kawhhmuh leh an thlai tharte an Zirlaite tan an pe chu lawmawm a tih thu a sawi a ni.
