Chief Minister Pu Lalduhoma’n Mizorama Oil zawn hna chhunzawm vat tur leh Tripura to Aizawl gas pipeline siam hna chak zawka chhunzawm turin Ministry of Petroleum & Natural Gas Director General a ngen.
New Delhi a cham mek Chief Minister Pu Lalduhoma hian nimin khan Delhi Mizoram House ah Ministry of Petroleum & Natural Gas, Exploration Strategies and Production Policy-a Director General of Hydocarbons, Dr. Pallavi Jain Govil a kawm a, Mizorama Oil leh Gas zawnchhuah hna chhunzawm dan tur an sawi dun a, Director General hian Meidum bula oil awmna nia ngaih chu thawh chhunzawm vat turin ONGC te lo hrilh a tiam a.
Chief Minister chuan Mizoram chhim lama oil zawn hna pawh chhunzawm vat tur leh, a khawihtu tur Company tha lo zawng a, lo be fel turin a hrilh bawk a, Tripura to Aizawl gas pipeline khawih hna muang lutuk, chak zawka thawk tura hma la turin a hrilh bawk a ni.
