Vawiin tlai khan Chief Minister Pu Lalduhoma chuan a office-ah Mizoram tlawha lo zin Pu Durgadas Uikey, Union Minister of State for Tribal Affairs chu a kawm a. Ministry of Tribal Affairs kal tlanga Mizorama hnathawhte an sawi dun.
Chief Minister hian Mizoram a rawn tlawh avangin Pu Durgadas Uikey hi lawmthu a lo hrilh. Mizo mipuite chu tribal vek kan nih avangin kan Minister i ni, tiin a lo lawm a ni.
Pu Durgadas Uikey pawhin Chief Minister chu Delhi a zin huna a chenna ina tlawh ngei turin a sawm a. Mizoram tan a inhawng hle tih a hrilh. Inpawh takin Tribal Affairs kaltlanga hmalaknate leh nasa zawka hmalak zel dan tur te an sawi dun.
