Sorkar laipui chuan Aizawl By-Pass road siamna tur sum, cheng vbc 500 pek phalna chu Mizoram sorkar pe in a hriattir a, hnathawh tan dan tur chungchang pawh nimin khan Chief Minister Pu Lalduhoma leh Prime Minister aiawh Dr. Jitendra Singh ten an sawi dun nghal.
Tunkar kalta zirtawpni khan sorkar laipui Ministry of DoNER chuan Aizawl khawthlang lam by-pass road laihna tur sum cheng vbc 500 chu pekchhuah phal a nih thu Mizoram sorkar a Chief Secretary a rawn hriattir a, hemi chungchang ah hian Chief Minister Pu Lalduhoma chuan, nimin tlai khan Prime Minister a zin avanga a aiawha lo dawngsawngtu, Union Minister of State for Prime Minister’s Office.
Dr. Jitendra Singh nen New Delhi ah inkawmin an sawi dun a, PM-DevINE atanga sawrkar laipuiin Aizawl By-pass siamna tura a ruahman, hnathawh tan na tura lungphum hawn dan tur te an sawi a, hei bakah hian Mizoram hmasawnna tur thil pawimawhte an sawi dun bawk a ni.
