Delhi a cham mek Pu Lalduhoma chuan vawiin khan Pu Ram Mohan Naidu, Union Civil Aviation Minister chu a pisaah tlawhin, Aviation Sector-a Mizoram hmasawnna tur thil hrang hrang an sawipui.
Chief Minister chuan, Mizoram chhim lamah Airport din turin a ngen a. AAI kuta Lengpui Airport hlan chungchang pawh an sawi a ni. PM- UDAN Scheme hnuaia heliport din dan tur te an sawi bawk. Union Minister hian Mizoram chhim lama Airport siam a nih theih nan hma a lak tur thu hrilhin, an inkawmnaa tel ve AAI thuneitute chu a ranglama Mizoram sawrkar hnena Lengpui Airport offer siam tura tih ni. An offer hi Mizoram sawrkarin a lo zirchiang leh phawt ang.
Chief Minister hi MP Pu Richard Vanlalhmangaiha, Pu Khilli Ram Meena, Chief Secretary, Pu Vanlaldina Fanai, Commissioner & Secretary to Chief Minister leh OSD to CM ten an tawiawm a ni.
