Chief Minister Pu Lalduhoma’n Mizorama remna leh muanna tluantling awm chuan state ah nasa takin hmasawnna a thlen a ti a, ziak leh chhiar thiam kawngah ram pumah pathumna nip ha in zirna leh hmasawnna kawngah chak takin ke a pen tih a sawi.
He thu hi vawiina Assembly ah sawiin Chief Minister chuan Vice President Jagdeep Dhankar an Mizoram a rawn tlawh chu a lawm thu sawiin an tan hun chhinchhiahtlak tak a ni a ti a, Vice President chuan Mizoram State Day lawmpuina a rawn thawn chu a lawm thu sawiin a sawrkar kaihhruai chu mipuite tana rawngbawl turin an inpe tih sawiin mipuite beisei ang ngeiin tha takin hna an thawk dawn tih a sawi.
Chief Minister chuan Mizoram in hma a sawn zel theih nan sawrkar laipui puihna nasa takin an mamawh a ti a, Vice President chu Mizoram hmasawnna atana kawng sialtu pawimawh tak ni tur leh Sawrkar laipuia Mizoram in hmun pawimawh a chan theih nan theihtawp chhuahpuiah a sawm bawk.
