Chief Minister Pu Lalduhoma’n Bana Kaih-Hand Holding Policy an kalpui tur chu centrally sponsored scheme te nena kaihkawp tur a ni a; bank ten mawhphurhna pawimawh tak an chelh dawn a ni a ti. Vawiina NABARD bultuma Mizoram State Credit Seminar, 2024-25 chu MINECO-a MRB Head Office Conference Hall-ah buatsaih a hmanpuinaah he thu hi sawiin Chief Minister chuan thlai tharchhuah lam te, thilsiam chhuah lam leh services tha siam thei te – Hand Holding Policuy an kalpui dawn a ti a, a dawngtu tur beneficiary thlan thuah ruling party mi leh sa, hlawhtling lo tur tih chiang reng te an duhsak ngawt dawn lo a. Chung mite vang chuan Sawrkar policy a lo hlawhchham fo tawh a, bank te pawhin an hnena loan pek an hreh thin tih an hria a ti.
A sorkar chuan tumah duhsak bik leh duh loh bik nei lovin, mipui sawrkar an nih angin, a hlawhtlinpui ngei turte chauh kn thlang dawn a, uluk takin line department ten an vil zui bawk ang a ti a. Bank te tan pawh chung mite lo puih chu a nuam tawh dawn a ni, a ti bawk. Seminar hmanpuitu dang Agriculture Minister Pu PC Vanlalruatachuan a hun taka thlai chi tha an hmuh theih nana hmalak te, an theihna tipung tura farm mechanization uar zel te an tum tih a sawi a.
Hnathawktuten an mamawh hun tak zela sum hman hawh tur an neih theih nan financial institution te an pawimawh em em a, lo inhawng zau turin a ngen tih a sawi. He hunah hian Chief Minister leh Agriculture Minister te hian sawrkar scheme kaltlanga pek loan thahnem tak, bank hrang hrang te sanction order chu loan hmutute hnenah an hlan a ni.
