Chief Minister Pu Lalduhoma’n State sum leh pai dinhmun siamtha turin an tang hle a ti a, a tlem thei anga sum puk an duh tih sawiin state matching share nei sang chi scheme chu a tam thei ang bera pumpelh a ngaih thu a sawi. Aijal Club Conference Hall-a Mizoram Finance & Account Service Association te 29th Annual General Conference vawiina neih a hmanpui na ah sawiin Kalphung thar sawrkarah officer te eirukna lakah an fihlim ngei tur a ni a ti a, sum puk tlemn an duh tih sawiin overdraft loa kal hram an tum a ti a, K. Deposit tih tlem an tum tih sawiin state sum leh pai dinhmun siamthat an tum tih a sawi bawk.
Chief Minister chuan Inrenchem kawngah Assembly legislators ten bul an tan a ti a, an hamthatna tihtlem niin official te pawh an ti tlem tih sawiin hei hian nasa takin sawrkar sum kal ral tur a veng thei a ti a, sawrkar hnathawk hluawh chu mi tamtak innghahna anih avangin muang loa buaipui vat zel a ngaih tih sawiin central scheme behchhanna hlawh la te harsatna tawh chinfel dang kawng ngaihtuah sak a pawimawh thu a sawi bawk.
Pu Lalduhoma chuan Healthcare bill ba, MR bill ba tihfel an tum zel a ti a, Kalphung tharah sawrkar hnathawkte eirukna lakah an fihlim tur ani tih sawiin Mizoram mipuiten an beisei inrelbawlna tha a awm theih nan project monitoring lamah tan an la nasa a ti a, Bana Kaih hnuaiah eizawnna mumal zawk mai nilo mimal nunphung leh rilru thlenga hmasawnna a awm theih nan sawrkarin theihtawp a chhuah thu a sawi bawk.
