Tukin khan Chief Minister Pu Lalduhoma chuan Chief Minister Office-a thawkte chu CM Conference Hall-ah thingpui a inpui. Chief Minister hian kum thar chibai bukin an hnathawhna theuhah tha taka thawk chhunzawm turin duhsakna a hlan. “Chief Minister mawhphurhna ka lak rualin thawhpui tur tha min pe turin Pathian hnenah ka dil a. Nangni hi min pe ta a ni. In thawkrim tlang thin tih ka hria a, ka lawm a. Kan ram tan leh Pathian tan hna kan thawk a ni tih hriain taima takin kan thawk zel dawn nia” tia lawmthu hrilhin a fuih a. Rinawm hi a pawimawh a, tumah hi fel famkim kan awm loh avangin inngaihdam a tul hun a awm bawk thin. Ngaihdam hi a ngaidamtu tan pawh damna a ni. Kan tlin tawk lohnateah inngaidam tawn chungin lungrual takin kan thawk thin dawn nia, a ti.Chief Minister hian Cake zaiin, Thingpui nen an eiin hova, thlate an la ho bawk a ni.
CHIEF MINISTER-IN CM OFFICE-A THAWKTE THINGPUI INPUIIN KUM THAR OFFICE KAI NI BUL TANPUI
