Vawiin khan Chief Minister Pu Lalduhoma hovin a office-ah Mizoram State Government Paddy & Rice Procurement Committee te an thu khawm.
Mizoram sawrkar chuan Mamit leh Kolasib district atanga Loneitute thar chhuah buhhum lei a, Om Om Modern Rice Mill, Pangbalkawn, Kolasib district hmanga her a lo rel tawh a. Buhhum hi kg khat Rs. 30 zelin Rice Mill hmunah a lei a, hei hi sawrkar laipui leina (Minimum support price) aiin a tha zawk hle a ni.
He hmalakna kalpui mek tawh dan vawiin meeting hian an sawiho a, Om Om Rice Mill nena thawhho dan te pawh an sawi lang.
