Food, Civil Supplies & Consumer Affairs Department buatsaihin vawiin khan Champhaiah World Consumer Rights Day 2025 chu I&PR Conference Hall, CHANEM-ah hman a ni a, Bawrhsap Pu Mohammad Aaquib chuan khuallian niin he hun hi hmanpui a ni. Khuallian Pu Mohammad Aaquib chuan thu dawiin World Consumer Rights Day 2025 thupui atan hian, ‘A Just Transition to Sustainable Lifestyles’ hman a ni, a ti a. He thupui hian nunphung nghet leh hrisel duhthlanna chu consumer zawng zawngte tana hman theih, hmantlak leh man tlawm zawka siam a ṭul zia a tilang a ni tiin, chutih rualin heng inthlak danglamnate hian mipui dikna leh mamawh bul pui te chu a vawng nung zel tih a tichiang bawk ani a ti. Bawrhsap chuan, “Kan thil neih sa tichhe lo zawnga hma kan lak a, nakina kan la mamawh leh tur tih hre reng chunga duat taka enkawl a pawimawh a ni, a ti.
He hun hi Pu CC Sakhawliana, DCSO Champhai chuan a kaihruai a, Pi Rosangzuali Varte, Asst. Prof., Department of Botany, Govt. Champhai College chu Resource Person niin a hnen atang hian thing leh mau, kan leilungte a tiral zawng lova humhalh a pawimawh dan te, a mawhphurtute chu mihringte kan nih dan te ngaihthlak a ni a, khawvel boruak lum zelin boruak chhia a siam mek thlen theitu te a lo tlemna tur leh boruakte a lo thianghlim zel theihna tur chuan nungcha tinreng, thing leh mau bakah kan leilungte tun atanga kan humhalh a tul dan kawng hrang hrang tarlangim India ramin helam kawnga hma a lo lak tawh dante a tarlang bawk. Er. Lalthanzuali, SE, PHE Department pawhin thu sawiin tui renchem a ngaih dan leh dahkhawl theih a nih dan te, faina kawngah hma lak a tul dan te, tui tlan bawlhhlawh tur nasa taka a venhim dan leh tui thianghlim mihring ten kan neih theih phah dan te a tarlang a ni.
Er. PC. Lalrawnliana, SDO, P&E pawhin PM Surya Ghar chungchang a sawizau a, he scheme hian rooftop solar chu a tum ber a nih thu tarlangin 1.9 Mw pechhuakin phase 1 leh 2 install fel tawh a nih thu a sawi a, subsidy a pekchhuah niin he scheme hi march ni 31, 2027 thleng kalpui tur a nih thu a sawi a ni. He hunah hian kalkhawm te atangin zawhna leh chhanna hun hlawkthlak tak hman a ni bawk a. Pu PC C Zaihmingthanga, Secretary. Consumer Union, Champhai District-in lawmthu sawiin hun a khar a ni.
