Vawiin khan vaihlo leh e-cigarette chungchang inzirtirna District Education Office leh District Tobacco Control Cell, Champhai ten School naupang hnenah an nei. He hunah hian Pu H. Lalengzama, DHEO, Champhai chuan thusawiin COTPA Section 6(b) chungchang; 100yards chhunga vaihlo leh kaih hnawih zawrh phal loh thu a sawi a, Yellow Line Marking school tinin ti tura ngen leh hriattir an nih thu a sawi.
E-cigarette chungchangah pawh Yellow line marking huamchhung 100 yards school compus leh chheh velah zawrh phal a nihloh thu sawiin, zuarte man chhuahna lamah pawh police ho nena thawkin hma kan la zel ang a ti. Naupangte Career Guidance chungchang sawiin Class 8 kan kal tan tirh atangin Coaching kal emaw Competitive lam hawi a leh kha zir thiam a ngai tih a sawi. Zosangzela, District Consultant, DTCC pawhin thu sawiin Tobacco Free Education Institution(ToFEI) guidline a sawi a, School zawng zawng 100% free Education Institution an ni tur a ni tih a sawi.
Tun aia zirna in pawh tan a, ToFEI ni turin thei tawp chhuah turin a fuih bawk. Lalrawngbawla, Social Worker, DTCC chuan Prohibition of ELECTRONIC CIGARETTE ACT 2019 chungchang a sawi bawk a. Tobacco Free Youth Campaign 3.0 pledge an sawi tir bawk. Zirna in an tlawh te chu Corner Stone, PES, Zotlang leh Springdale Academy te an ni.
