Nimin khan Bonsai Association of Mizoram, Champhai District chuan Bonsai Association of Mizoram kum 10 tlin lawmna ni pah fawmin Bonsai Training Cum Workshop an nei. He hun hi Pu C.Lianbanga in, New Champhaiah hman niin Pi Lalrinchhani, District Horticulture Officer, Champhai leh Pi Lalrinmawii ADHO te bakah Bonsai Association of Mizoram, Aizawl leh Saitual hruaitu mi 8 in an rawn hmanpui. He Training cum Workshop programme hi Pu C.Lalmuansanga, President, BAM, Champhai District chuan kaihruaiin Pu Israel Lalremruata’n Bonsai siam chungchanga pawimawh hrang hrangte zirtirna a pe a ni.
He Training Cum Workshop-a khuallian, Pi Lalrinchhani, DHO chuan Champhai District-a Bonsai hmasawnna tura Horticulture Department nen theih tawp chhuaha tanho tul a tih thu a sawi a, Champhaiah Bonsai show lian leh awmze nei tham huaihawt tura ngaihtuahna an sen mek thute a sawi bawk. Khual ṭha Pi Lalrinmawii, ADHO leh Bonsai Association of Mizoram President Pu Vanlalauva pawhin Bonsai tuipuitute tana hlawkthlak tak thu an sawi a, hnam changkang leh hnam upa zawk ten nasa taka an buaipui Bonsai hi Mizoramah pawh tun aia nasaa hma a sawn theih nan Mizo thalaite pawhin theihtawp kan chhuah ve a ṭul takzet thu an sawi.
Bonsai Association of Mizoram kum 10 tlin lawmnan DHO compound-ah Bonsai Association of Mizoram President leh DHO ten thing an phun a ni.
