Champhai District Disaster Management Authority (DDMA) butsaihin vawiin khan I&PR Auditorium, CHANEM-ah Champhai RD Block huamchhunga Village Disaster Management Committee (VDMC) te tan chhiatrupna thlen thulha hmalak dan tur zirhona (training) neih a ni.
He hun hawnna hi District Bawrhsap leh DDMA Chairman ni bawk Pu Mohamad Aaquib chuan a hmanpui a. VDMC-te chu chhiatrupna lo thlen thulha chet la hmasa ber tu leh a hnu khartu an nih avangin chhiatna a lo thlen pawha rang taka chet dan an zira an hriat a pawimawh hle a ni , a ti a. Disaster Management Team-te lo thlen hmaa chhiatna tam zawk a thlen lohna tura tualchhung mite training pek chu thil pawimawh tak a ni, a ti. Bawrhsap hian training chhim tura kalkhawmte chungah lawmthu sawiin chhiatrupna thlen thulh a kan khua leh tui te an him tlanna turin training tha tak leh hlawkthlak tak hmang theuh turin duhsakna a hlan a ni.
Training khuhhawnna hun hi Pu K Zorammuana, Addl DC Champhai chuan kaihruaiin, Pu VL Hruaimawia Distrtict Organizer, DDMA chuan kalkhawm te hnenah zirtirna a pe a ni. Champhai RD Block huam chhungah hian khua (Village Council) 37 awmin VDMC din vek a ni tawh a. Vawiin trainingah hian VDMC aiawh VC leh YMA te an kal tha hle a ni.
