Vawiin khan Adviser to Chief Minister & Champhai North bialtu MLA Er. H. Gilzalala chuan Ngaizawl khua a ‘Rain Water Harvesting Dam’ hna thawh mek a tlawh.Ngaizawl-a Rain Water Harvesting Dam hna thawh mek chu bialtu MLA leh Adviser to CM ni bawk Er. H. Gilzalala chuan vawiin khan a hmunah kalin a enfiah a.
Bialtu MLA hi Pu K. Lalhmuakliana, Project Director, DRDO, Pu Timothy R. Lalhmangaiha, BDO leh Pu F. Malsawmtluanga, RAO, DRDO ten an ṭawiawm a, Ngaizawl khawtlang hruaitu VC leh NGO hrang hrangten an ṭawiawm bawk a ni. Bialtu MLA chuan he project hi a puitling thei a nih chuan sangha khawi nan te, lo neitu ten an thlai chin tui lakna atan te bakah tui hna humhalhna atan hman tum a nih thu a sawi a. He tui khuah hi Eco-Tourism lam tih hmasawnna atan te, tui lama infiamna (water sport) atan te pawh hman theih a beisei thu a sawi bawk.
He project atan hian MP Fund aṭangin Rs. 15 lakhs hman ral tawh a ni a, MGNREGA aṭangin Rs. 10 lakhs hman tawh a ni bawk. Tum anga he project hi a kal tluang a nih chuan ram tan project rotling tak a nih beisei a ni.
