Vawiin khan Champhai District Agricultural Marketing Committee (DAMC) buatsaihin Circuit House Conference Hall-ah Society-te pualin Hand holding Scheme hnuaia thlai thar hralh dan tur inhrilhhriatna ‘Society Sensitization on Thlai Thar Marketing’ neih a ni.
He hunah hian Champhai South leh Zotlang Center hnuaia Society-te zawng zawng te koh an ni a. Society tin Chairman leh Secretary sawm vek an ni. Resource Person atan Pu Laldanmawia, Co-Opted Member, DAMC hman a ni a. Pi Lalrinmawii, ADHO chuan Sawhthing, Aieng leh Mizo Hmarcha thar chhuah te sawngbawl dan a zirtir bawk a, sawiho na hun hlawkthlak tak hman a ni.
Sensitization Programme hi District Horticulture Officer Pi Lalrinchhani chuan a kaihruai a. He hunah hian DAMC atangin Pu Vanlalnunpuia, ADAO, Champhai District leh Pi Lalrinmawii, ADHO, Champhai District te an tel bawk a ni.
