Mizoram State Election Commission tarlan danin CADC hnuaia VC inthlan lo theng tura vote nei theite hi mipa 19,162 leh hmeichhia 18,721 an vaiin mi 37,883 an awm a, chhungkua 16,991 awm ang a chhut a ni bawk.
CADC huamchhungah hian Village Council seat 88 a awm tih State Election Commission chuan an thuchhuah siamah hian tarlangin hengah hian General seat 428 leh Reserved seat 88 a awm a, CADC hnuaia VC seat awm zat chu a vai a belhkhawmin seat 516 a ni tih SEC hotute’n an sawi bawk.
CADC huamchhunga Village Council lian ber chu Kamalanagar-I niin hetah hian voter mipa 840, hmeichhia 838, a vai a belhkhawmin mi 1678 an awm a, chhungkaw 725 awm ang a chhut a ni bawk. Chakma Village Council te ber chu Gobasuri niin hetah hian chhungkaw 60 an awm a, voter mipa 58 leh hmeichhia 56 an vaiin 114 an awm a ni.
