Chief Electoral Officer, CEO Madhup Vyas hovin a pisa ah Lok Sabha inthlan huna vote tla a that theihna tur ngaihtuahin sawrkar hotute an thukhawm.
Chief Electoral Officer chuan inthlanpui a awm apiangin MLA inthlan aiin Lok Sabha MP thlanna ah vote tla a chhe ziah a ti a, MLA inthlanpuiah India ramah pawh vote tlak thatna ber an nih thin laiin a hnu lawk ah Lok sabha MP thlan lehnghal a ni a, MLA inthlanpuia vote tla a phak loh bakah Lok Sabha MP thlan hnuhnung ber kum 2019 ah phei chuan national average vote tla pawh kan pha lo a, tan kan lak a tul hle a ni a ti bawk.
Nimina thutkhawmah hian mipuite hnena vote thlak tura zirtirna kalpui dan tur chi hrang hrang ngaihtuah niin kalphung pangngai lo deuh, thil thar chhawpchhuah chi hrang hrang te sawiho a ni a. A bik takin thalaite leh a vawikhatna atana vote thlak tur (first time voters) te hnena hmalak dan tur uluk taka sawi a ni a, micro-level ah tan lak a ngai hle tih sawi niin, School Education department, Higher & Technical Education Department leh Sports & Youth Services Department kaltlanga hmalak dan tur hrang hrang duan a ni.
