Vawiin khan Central Sorkar-in State leh UT-a Prime Minister School for Rising India (PM SHRI) School te tlawh chhuak tura ruahmanna a siam angin Central Nodal Officer (CNO-PM SHRI) Pu Lalchhandama, Joint Secretary, Ministry of Rural Development, Govt.of India chuan Serchhip District hnuaia a PM SHRI School te a tlawh.
Pu Lal Chhandama chuan PM SHRI Govt Buangpui Primary School, PM SHRI Govt Khawlailung Primary School-II, PM SHRI Jawahar Navodaya Vidyalaya, Thenzawl, Serchhip District chu an School hmunah theuh a tlawh a. PM SHRI School atana hmalakna awm zawng zawng te chip chiar takin a enfiah a, Zirtirtute kawm nghal bawk.
Pu Lalchhandama hi Pu Malsawmtluanga Jt.Secretary, School Education Department, Govt. of Mizoram, Pu Andrew Lalrintluanga Dy. State Project Director, Samagra Shiksha, Mizoram leh Serchhip Dist a Official ten an tawiawm. Pu Lalchhandama hian vawi tlai vek khan DC Serchhip chu meeting a neih pui a, Serchhip District chhunga PM SHRI School te hmasawn zel na tur a sawi pui bawk.
