Chakma Autonomous District Council (CADC) huam chhunga village council inthlan lo awm turah inthlan buaipuitu turte’n vawiin khan Chawngte an pan. CADC) huam chhunga tun kar Nilaini a VC inthlan vote thlak tur atana inbuatsaihna kal zelah vawiin khan Returning Officer (RO) leh venhimna lam buaipuitu tur te’n Lawngtlai chhuahsanin Chawngte an pan a, vawiina chhuakte hi – Returning Officer (RO)-88 leh Security Official – 88 an ni a.
Zing dar 9:30 atangin district bawrhsap pisa atanga chhuak tanin, dar 11:00 khan Chawngte hi an pan fel a. RO, ARO, PO leh Security Official- te hian naktuk March ni 10 hian Chawngte ah training an huaihawt leh ang a, chumi hnuah an duty – na tur hmun theuh an pan tawh dawn a ni.
CADC huamchhungah hian VC 88 awmin, Seat – 516 a awm a, mipa vote nei mi- 19,162 leh hmeichhia vote nei mi- 18,721 awmin, a vaiin vote nei mi- 37,883 an awm a ni . Ni 12, March ah vote thlak a ni ang a, hemi ni vêk hian vote chhiar nghal a ni ang.
