Chakma Autonomous District Council (CADC) sorkarah Parva bialtu MDC, Mohan Chakma chu Chairman atan chuhtu awm lovin vawiin khan tlinga puan a ni. CADC Chairman hmun hi nikum December ni 15-a Chairman ni lai Kali Kumar Tongchangya-a a ban avangin a ruak a. Governor-in CADC Chairman thlan a tul thu hi tun thla ni 21 khan a puang a, hemi bawhzui hian CADC Dy.
Chairman-in inthlan huh tumte tana hming pek luh hun te puangin hun hawn chhung hian Parva bialtu Mohan Chakma bak hming pe lut an awm loh avangin vawiin khan tlinga puan a ni ta a ni. Thlan tlin a nih hnua a thu sawiah CADC Chairman thar chuan house leader leh member-te chungah lawmthu a sawi a.
Tuna Executive Committee a rin tawk thu leh House kaihhruai kawngah thu lai la taka thil a tih tur thu a sawi a ni. House leader CADC CEM leh MLA ni kawp Rasik Mohan Chakma chuaun Chairman thar a lawmpui thu leh House rorel kaihhruai kawnga a dinhmun pawimawh zia te a sawi a ni.
