Vawiin tlai dar 5 vel khan Lalawmpui (12), Durtlang North chu ICFAI peng bula, Durtlang North huamchhunga Scorpio-in a su a, nunna a chan phah. Durtlang North atanga thudawn danin, Lalawmpuia hi a cycle khalh lai scorpio hian a su a, damdawiin thlenpui anih chuan a thi tawh.
CCTV Footage atanga lan danin scorpio ah hian BSF form ha an chuang a, an sut hnu lawkah dingin, an hnunga chuang leh a khalhtu an chhuk a, Motor bul atangin thil thlenna hmun enin, rang deuhin motor ah an let leh nghal a ni.
A bulhnaia awm mipa pahnih in tih din an tum a, driver kawngkhar hawn sak nghal mahse rang takin an tlanchhia a, thuziah lai hian Durtlang North-a BSF Gate bulah mipui an pungkhawm mek a ni. Aizawl SP Rahul Alwal sawi danin pawi khawihtu hi an man tawh a, police custody ah a awm mek a ni.
