Britannia NutriChoice chuan an NutriPlus app hmangin hriselna lam an luhchilh thu an puang a, Britannia NutriChoice siam NutriPlus app hi Aktivo Labs nen thawhhona neia siam a ni a, hei hi tunlai thiamna hmanga company hmasa ber, zirchianna mumal tak hmanga hriselna dinhmun leh mihring dam reina thlen thei turin mi tinah danglamna siam a tum a ni.
NutriPlus app hian nitin NutriScore a tarlang a, hei hi taksa insawizawi hun chhung, leh mut hun chhungte atanga thlirin vawi khata chhinchhiahna a ni a, hei hian a hmangtute tan an hriselna dinhmun tlangpui a hriat theih dawn a ni. Aktivo Labs-a doctor leh scientist thiam tak tak ten team-a insiamin an siam a, NutriPlus app hian zirchianna mumal tak hmanga hriselna dinhmun leh mihring dam reina thlen thei turin he thil thar hian mi tin hriselna ah bung thar a kai tir a ni. King’s College London, UK-a Director of Aging Research Prof. Richard Siow chuan, “Britannia leh Aktivo Labs te thawhhona chuan NutriPlus app thar siamna kawngah India rama mi maktaduai tam takte chu nunphung lama hmalakna hrang hrangte hriatthiamna a tipung thei a, hei hian kum upa lam nena natna inzawm NCD – natna inkaichhawn theih loh vei theihna lakah kawng tam takin a veng a ni,” a ti.
He health score pakhat hian hmasawnna tur hrang hrang a tarlang thei a, mimal tinte chu an hriselna dinhmun hriatthiamna a pe a ni. Hriat tur pawimawh tak chu NutriPlus hi taksaa vuah chi ah a innghat lo a, a mamawh chu smartphone hmangin mi taksa chak dan kawng enfiah leh hriselna dinhmun en fiah a ni. NutriPlus app hian kar tin hriselna dinhmun kimchang tak a pe bawk a, hei hian a hmangtute chu an chawr chhuahna thliar lovin tunlai thiamna tha tak hmangin a tichak a ni. A tlangzarh chungchang sawiin Amit Doshi, Chief Marketing Officer, Britannia Industries chuan “Thil tenau, mitin mamawh ni si ah rinna kan nghat a, NutriPlus app hi chutiang hmalakna pakhat a ni a, India mi maktaduai tam takte chu an hriselna leh nunphung tha zawk an zawnna kawngah kan thawhpui a ni,” a ti.
