April ni 19-a Mizoram Lok Sabha bial inthlanna vote thlak turah Mizoram BJP chuan an party candidate atan Mizoram BJP President ni lai Pu Vanlalhmuaka a nih thu vawiin khan an puang. BJP hian an party office conference hall-ah candidate puanna hun hi an hmang a.
BJP candidate tur Pu Vanlalhmuaka chuan Mizoram thenawm state chuan sorkar laipui an thawhpui a, an state mamawh hmasawnna atan central sorkar an pûr theihna atan an thawhpui vek a ni tih a sawi a. Manipur, Nagaland leh Meghalaya te chuan sorkar laipui rualin ke an pe avangin an state mamawh hmasawnna an hawn thin a ni a ti.
Pu Vanlalhmuaka chuan kumin MP inthlan lo awm turah Mizoram chu BJP thawpui hmarchhak state pali zinga official candidate nei an nih avangin Central Minister nei thei a ni, a ti.
