Chief Minister Pu Lalduhoma’n Mizoram Secretariat-a sawrkar hnathawk zawng zawng ten biometric attendance hmang tura hmalakna kal mek chu a hmawr bawk na thlen chhoh mek a ni a ti. He thu hi vawiina Assembly thutkhawma zawhna leh chhanna hunah sawiin General Administration Department changtu Chief Minister Pu Lalduhoma chuan Biometric Attendance hmalakna chu district level thlenga hman theih tura ruahmanna kalpui mek a ni a ti a. Mizoram Secretariat-a Biometric Attendance System hmang tura hmalakna chu a hmawr bawkna thlen chhoh mek ani tih a sawi.
Chief Minister chuan biometric attendance chu a sum sen a hautak hle a ti a, sum sen vak ngailo chi department thenkhat in an ngaihtuah chhuak tih sawiin an pawm tho a ti a, Education department in QR Code hmangin kal chhinchhiahna an siam a ti a, School zirtirtu kal te chhinchhiahna atana school hung chhung atangin geo-fencing an ti tih sawiin school chhung atang bakin attendance a pek theihloh tih a sawi.
Pu Lalduhoma chuan geo fencing hmanga attendance dah thin chu a sum sen a hautak loh avangin thil tha tak ani a ti a, play store ah download theiha siam ani tih sawiin biometric attendance ang tho in an ring tawk a ti a, kal chhinchhiahna an hman hma leh hman hnuah office kai dan a danglam tih a sawi bawk.
