Nimin tlai khan Bank of Baroda thuneitute chuan Chief Minister Pu Lalduhoma chu a office ah Pulsar Bike pathum an hlan. Bank of Baroda te hian an bank fund atanga an pek a ni a, pakhat hi Chief Minister’s Office a hman tur niin a dang pahnih hi 1st Bn. MAP leh 3rd Bn. MAP te hman tur a ni.
Chief Minister hian lawmthu a lo hrilh a, Police Department lam pawh an lawm hlein ka ring a ni, a ti a. Bank of Baroda ten Credit Deposit Ratio 63 lai an tlin avangin lawmthu a lo hrilh bawk.
Bank of Baroda te hi Brig. SP Rawat, Defence Banking Adviser hovin Pu SK Tiwari, General Manager & Zonal Head, Pu Debashis Baksi, Network Dy. General Manager leh thawktu dangte an rawn kal a ni.
