Sorkar Flagship Programme, Handholding Scheme tlangzarh tak kalpui zelna turah Progress Partner-te puitu tur Sorkar Department hrang hrangte tan ni hnih chhung training buatsaih a ni a. Planning & Programme Implementation Dept. Conference Hall ah vawiin September ni 24-24, 2024 chhung an nei dawn a ni.
Training hi Dr. K.C. Lalmalsawmzauva, Adviser to CM (Implementation of Handholding Policy) chuan kaihhruaiin, he Bana Kaih Scheme hi chhawr tangkaina leh hlawhtlinna atana department te pawimawh zia a sawi a. Duhsak bik nei lo a kalpui tur scheme a nih thu a sawi bawk. Tun dinhmunah dilna thahnem tak a luh tawh thu a sawi bawk.Vawiin training-ah hian Bank Scheme-te leh Portal chungchang belhchianna neiin, Progress Partner te tana DPR siamsak dan te zirho a ni.
Dilna lut te hi a kaihhnawih department a Search Committee ten an zirchian hnu a Department Nodal Committee in an recommend ten Apex Body in a lo thlang ang a. Hemi hunchhung hi thla thum chhunga tihfel hman zel tur a ni. Project diltute hian Portal ah hian an dilna thlen chin an hmu thei dawn a. An dilna thlan a nih leh nih loh te, thlan a nih loh chuan a chhan te tarlan a ni tur a ni.
