Ramchhunga sum peipunna leh mipui mamawh pek kawnga pawl lian ber Bajaj Finserv Ltd.-a tel Bajaj Finance Ltd. chuan hun rei zawk daih tur Fixed Deposits (FDs) punna tihsan a nih thu a puang. April 3, 2024 aṭang khan company hian thla 25 aṭanga thla 35 chhunga kum upate tana FD rate chu basis point 60 thlengin a tisang a, thla 18 aṭanga thla 24 chhungin basis point 40 thlengin a tisang bawk.
Kum upa nilo te punna hi thla 25-35 chhungin basis point 45 thleng tihsan a ni a, thla 18-22 chhungin basis point 40 thleng tihsan a ni a, thla 30-33 chhungin basis point 35 thleng tihsan a ni bawk. He hmalakna hian sun peipungtute tan tuna sumdawnna dinhmunah hmuh let dan ṭha zawk neih theihna hun remchang a siamsak a ni. Kum upate chuan FD rate 8.85% thleng an hmang chhunzawm thei a, kum upa zinga mi nilo te chuan 8.60% thleng punna an hmang thei a, thla 42 chhungin digital-a booking an nei thei bawk.
March 31, 2024 thleng khan Bajaj Finance hian customer inziaklut mi maktaduai 83.64 a nei a, India rama NBFC deposit la tam ber a ni a, deposit book Rs. 60,000 a ni. Bajaj Finance-a Head – Fixed Deposits & Investments Sachin Sikka chuan, “An sum khawlkhawmna atana thil tawn ṭha zawk, hlutna tam zawk leh duhthlan tur him zawk pek hi kan tum ber a ni,” a ti.
