Vawiin hian Assembly inkhawm kal mekah minister pahnihte’n tun tangka kum thar chhunga an department chan an enkawlna tur sum ruahman sawi hova pawm tum a ni ang. Vawiin hian chawhma dar 10 leh a chanve a Assembly inkhawm tan hunah zawhna leh chhanna hun hman a ni ang a. Darkar khat chhung zawhna leh chhanna hun hman a nih hnu-ah Minister pahnih Pu K. Sapdanga leh Pu Lalthansanga te’n an department enkawlna tur sum ruahman chu sawiho turin an pharh ang a.
Pu K. Sapdanga hian cheng vaibelchhe 4, nuai 14 leh sing 8 hmanna tur Personnel & Administrative Reforms, cheng vaibelchhe 834, nuai 6, sing 3 leh sang 9 hmanna tur Home, cheng vaibelchhe 64 nuai 46,sing 6 leh sang 3 hmanna tur Disaster Management and Rehabilitation leh cheng vaibelchhe 372, nuai 28, sing 9 sang 4 hmanna tur, a vaiin cheng vaibelchhe 1274, nuai 96, sing 7 leh sang 6 hman tur ruahmannate a pulut ang.
Pu Lalthansanga chuan cheng vaibelchhe 28, nuai 47, sing 3 leh sang 9 hmanna tur Land Resources, Soil & Water Conservation te, cheng vaibelchhe 11, nuai 1, sing 4 leh sang 3 hmanna tur Fisheries, cheng vaibelchhe 140, nuai 46, leh sang 8 hmanna tur Environment, Forests and Climate Change leh cheng vaibelchhe 16 nuai 85, sing 6 leh sang 4 hmanna tur Sericulture te, a vaiin cheng vaibelchhe 196 nuai 80, sing 5 leh sang 4 hmanna turte chu House pawmpui turin a pulut bawk ang a. Minister pahnihte department enkawlna tur ruahman hi sawihova vawiin veka pawm nghal tum a ni dawn a ni.
