Vawk pulhri African Swine Fever (ASF) avangin kum hian Mizoram chhungah vawk 816 an thi tawh ni a report a ni a, ASF vanga vawk suat tawh zat chu 1018 a tling a ni.
Animal Husbandry & Veterinary Dept in a chhinchhiah danin darkar 24 kal ta chhung khan ASF vanga vawk thi zat chu 6 a ni a, vawk suat zat chu 7 a ni a. Heng vawk thi te hi Dulteah 3 leh Chhingchhip ah 3 a ni. ASF vanga vawk thi zat hi Kum 2021-22 khan 33,417 a ni a, kum 2022-23 khan 12,795 a ni a, kum 2023-24 chhungin 1,139 niin heti hian a vaiin ASF vanga vawk thi zat chu 47,351 a ni tawh a ni.
ASF hri kai vanga vawk suat tawh zat hi kum 2021-22 khan 12,568, kum 2022-23 khan 11,686, kum 2023-24 chhungin 980 niin heti hian a vaiin vawk suat zat chu 25,234 a ni tawh a. Vawk thi avanga tanpuina dawng chhungkua 2,488 an awm tawh a. AH& Vety Dept chuan ASF vanga vawk chante tanpuina tur cheng nuai 311, sing 6 leh 6 an dil mek bawk.
