Art & Culture Minister Pu C. Lalsawivunga’n mumal leh tha zawka Mizo hnam history ziah that chu thil pawimawh tak ani a ti a, Mizoram leh hnam tana history dik leh belhchian dawl a awm theih nan theihtawp chhuah a pawimawh thu a sawi.
Mizo History Association (MHA) Annual Conference vawi 44-na leh ‘Rewriting Mizo History’ tih thupui hmanga Pachhunga University College Seminar Hall-a MHA-in seminar an buatsaih a hmanpui na ah sawiin Pu C. Lalsawivunga chuan Ziak mi leh zirbing mite chu, ram leh hnam tana an hlutzia inhre nawn fo tura chahin Mizo hnam sulhnu tha taka ziaka dahthat chu ngai pawimawh fo turin a chah a, history dik leh belhchian dawl a awm theih nan ziaktute theihtawp chhuah turin a chah bawk.
He hunah hian Pu C. Lalsawivunga chuan Historical Journal, Mizoram 2024 a tlangzarh a. MHA President Prof. Sangkima chuan Mizo hnam chanchina Pu R. Vanlawma sulhnute tih thupui hmangin paper a present a ni.
