Mizoram Cooperative Apex Bank din champha phak vawi 44-na a ni a, hemi ni pual hian district hrang hrangah te Apex Bank chuan mipuite tan an luang chhuak a ni. Apex Bank Keifang Branch te chuan hemi ni pual hian Saitual District-a home pathum: Hlimna In (Girls Home), Serenity Boys Home leh Saitual Observation Home-ah te tanpuina sumfai an pe a, hemi nia bank dawrtute zawng zawng hnenah thingpui leh a hmeh an hlui dawn bawk a ni. Keifang Apex Branch Manager Pi Lalrempuii Varte chuan home enkawltute hnenah tanpuina sumfai hi a hlan a ni.
July 31-ah hian Aizawl khawchhunga City Bus 20-ah te chuan man a awm dawn lo a, heng City Bus service man hi Apex Bank hian a tum dawn a ni. Hemi ni bikah hian Apex Bank hian City Bus 16 chu mipui tan bus fair chawi ngai lovin an hire dawn a, hetah hian a thlawnin a chuan theih ang. Ngaizel leh Zemabawk inkarah hian a thlawna chuan theihna bus 16 a tlan dawn a, Sihphir leh Ramrikawn service-ah pahnih ve ve a thlawnin an tlan dawn bawk a ni.
Apex Bank te hian District hrang hrangah pawh Branch manager leh staff-te hmalaknain mipui te’n a thlawna an hman turin 2 wheeler leh Auto Rickshaw te service tir an tum bawk a ni.
