Aizawl Municipal Corporation (AMC) hnuaia Ward parukna By-Election a vote tla te chu vawiin khan chhiar a ni a. Zoram People’s Movement (ZPM) candidate Pu H. Lalremtluanga chu thlan tlin a ni. Returning Officer Pu Mark Lalthanliana chuan Certificate of Election a hlan nghal a ni.
Pu H. Lalremtluanga hian vote 2354 a hmu a, amah hnaih bertu Indipendent candidate, party pahnih MNF leh Congress ten an thlawp ni bawk Pi Lalrinfeli chuan vote 2273 a hmu thung a, an inthlauhna hi vote 81 a ni. BJP aiawha ding Pu Chawnghmingthanga chuan vote 33 a hmu thung a ni.
Puan lan tawh thin angin AMC Ward parukna hian Chanmari West, Edenthar leh Hunthar Veng te a huam a. Polling Station 10 awmin vote nei mi 9901 (mipa 4601, hmeichhia 5300) an awm a. August ni 22 khan vote hi thlak niin, vote hi 4691 (mipa 2170, hmeichhia 2521) a tla a a, hei hi za zela 47.38% a ni. AMC Ward parukna Corporator ni lai John Zosangliana Ralte a thih avangin seat ruak hnawhkhat tur hian By-Election hi buatsaih a ni.
