Vawiin khan National Service Scheme (NSS) and Nehru Yuva Kendra Sangathan,/ NYKS, Mizoram, Ministry of Youth Services & Sports, Government of India leh Sports and Youth Services,Govt. of Mizoramte huaihawtin Dr. BR Ambedkar Jayanti 2025 chu Mizoram University ah hman a ni a. He hun (Jai Bhim Padyatra) hi Pu V. Malsawmtluanga, MLA, Vice-chairman, High Powered Committee (HPC), Lunglei chuan khuallian niin a hmanpui.
Khuallian Pu V. Malsawmtluanga chuan kalkhawmte hmaah hian thusawiin, Dr BR Ambedkar a hnathawh ropui takte chu hriat reng tlak a nih zia te a sawi a. Ram leh hnam hmasawnna atan a voluntary work pawimawhnate tarlangin, NSS leh NYK te hmanga Khawtlang hmasawnna tura thalaite an pen chhuah chu pawimawh hle a a hriat thu a sawi bawk a ni.
Kalkhawmte hi Dr. B. Lalzarliana, Program Officer, NSS Unit, MZU chuan lo lawmin, he hun pual hian kawngzawh leh thu pui hrang hrang: “Jai Bheem – Jai Bheem”, “Indian Constitution – Zindabad” tih te hmangin au rualna neih a ni a. Hemi zawh hian kawngzawhtute hian India Constitution Preamble sawirualna an nei a. Prof. Benjamin L. Saitluanga, Program Coordinator, NSS Cell, Mizoram University chuan lawmthu sawiin hun hman hi a khar a ni.
