Tukin khan Aizawl East II bialtu Minister Pu B Lalchhanzova chuan Health Minister nen an lo sawi dun tawhna bawhzuiin Aizawl Civil Hospital a Bio-Digester Septic tank siamna tur hmun a enfiah. Minister hi Dr Zoramthanga Medical Superintendent leh thawktu dangten an lo dawngsawng a.Bio-Digester hi Civil Hospital thli felfai zawka kaltir a nih theih nan a ruahman a ni a, Civil Hospital ah hian hman a lo ni tawh thin a, a siam dan a fuh tawk loh deuh avangin a bul hnaia chengte tan harsatna a siam thin avangin a thara siam tura ruahman a ni.
Bio-Digester siam nan hian Rs 17,19,900/- ruahman a ni a, a siam hna hi SIPMIU in an thawk dawn a ni. Minister chuan Dawrpui khawtlang hruaitute leh Civil Hospital hotute thawhhona tha tak neih zel a pawimawh thu a sawi a, Civil Hospital thianghlim leh mawi nei tur chuan mipui tana tha ber tih duhna thinglung put theuh a tul ber a, chutiang thinlung kan put chuan thawhhona tha neih hi thil awlsam tak a ni a ti.
Civil hospital hmunhma leh a chhehvel thianghlimna enzui tur Civil Hospital Superintendent kaihhruaina in Dawrpui NGO hrang hrang aiawh te telna Consultation Committee din turin ruahmanna siam ani bawk. Pu B. Lalchhanzova chuan Civil Hospital sak that mek tum dan leh building design te khawtlang hruaitute hrilhfiahna hun buatsaih turin Civil Hospital hotute hi thurawn a pe bawk.
