Hulladek Recycling Pvt Ltd chuan Mizoram Pollution Control Board (MPCB) nen tangkawpin hlawhtling takin E-Waste Management Summit 2024 an buatsaih a, he hun hi Aizawl-a neih niin hmarchhaka e-waste management chungchanga hmachhawp hrang hrang te leh hmasawn dan tur zirho a ni a, Summit-ah hian mi langsar tak tak zingah AMC Commissioner Pu Joseph H. Lalramsanga leh Pu Liankima Lailung, MPCB Chairman te an tel a, e-waste harsatna do kawnga thawhhona tha tak neih a pawimawh zia an tarlang a ni. “He summit hian hmarchhak state hrang hranga e-waste sawngbawlhna tha tak neih theihna tura hmalakna pawimawh tak a ni,” tiin Pu Lailung chuan a sawi. Agenda-a thil pawimawh tak takte chu e-waste management dinhmun chungchang sawihona te, e-waste dan thar kalpui dan tur te, leh Hulladek-in he biala hmalakna hrang hrangte sawiho a ni. Hulladek Founder leh Managing Director Mr. Nandan Mall chuan ramngaw leh leilung tichhe thei lo enkawl tura Company inpekna thu sawiin Mizoram pumah e-waste khawlkhawmna bawlhhlawh bawm dah a nih thu a puang.
Aizawl chuan khawpui chhunga Tui harsatna in ziaawm lam a pan theih nan e-waste management summit 2024 a buatsaih
