Aizawl Deputy Commissioner & Disaster Management Authority, Aizawl kaihhruaiin nimin zing khan AMC, G&M, PWD leh Department hrang hrang atanga mithiamte’n lei minna hmun hi an enho a. Thil awm dan endik a nih lai hian lei tla-leh mai thei a la awm avangin chhiatna thleng palh a awm loh nan kawng an khar nghal a ni.
A hmuna tlawhtu Joint Inspection Team hian a hmun laitu Lalhruaisanga, Chawntlangpui, Lawngtlai District chu rang taka leimin chhunzawm thei laite tifai nghal turin an hriattir a, hna a thawh zawh veleh Aizawl DC\DDMA hnuaia Quick Response Team kaihhruainain a hmunhma hi tha taka khuh nghal tura ruahmanna siam a ni a, kawng kal tan a him tih a chian hnuah chauh kawng hi hawn ni se, tih a ni.
