Mizoram chhungah kum 2024 chhungin aieng quintal 7817 leh kg 155 chin a ni a, quintal 81,609 leh kg 9 thar chhuah beisei a ni. Agriculture Department chhinchhiah danin Mizoram chhunga aieng chinna atan hian ram acre 4282 leh bigha 6 hman a ni a, Mizoram pum anga chhutin chhungkaw 3415 ten ai eng hi an ching a ni. Mizoram district hrang hrang zingah aieng hi Kolasib District-a chhungkaw 449 te chuan quintal 637 leh kg 64 an ching a, quintal 4749 leh kg 8 thar chhuah beisei a ni a, Saitual District a chhungkaw 299 te pawhin aieng hi quintal 486 leh kg 81 an chin bakah quintal 2801 leh kg 2 thar chhuah beisei a ni bawk.
Mizoram chhunga district paruk Champhai, Siaha, Serchhip, Lawngtlai, Mamit leh Khawzawl ah te chhungkaw 1158 in ai eng quintal 2,115 leh kg 23 an chinah quintal 42,970 leh kg 88 thar chhuah beisei a ni bawk.
Mizoram chhunga a district ang zawnga aieng ching hnem ber chu Lunglei district an ni a, Lunglei district chhungah hian chhungkaw 892 ten aieng quintal 3,565 leh kg 18 an chinah quintal 23,368 leh kg 51 thar chhuah beisei a ni a. aieng ching tlem ber distict chu Hnanthial District niin chhungkaw 70 ten aieng quintal 103 leh kg 85 an chinah quintal 521 tharchhuah beisei a ni bawk.
