Agriculture Minister Pu PC Vanlalruata’n kumina Kolasib leh Mamit a buh thar lei turin OmOm Rice Mill nen inremna ziak turin hmalak mek a ni a ti. Minister chuan Kolasib leh Mamit Buhhum chu a enchhin nan sorkar in a lei anga, support price pawh sorkarin a tum dawn tih a sawi a. OmOm Rice Mill in lei turin ruahmanna an siam bakah sawrkarin cheng 30 in buhhum kg khat a leiin support price a pe dawn tih a sawi.
Minister chuan Bana Kaih Policy-ah thlai thar hralhna tur an ngaipawimawh ber a ti a, thlai thar Wholesale a zawrhna tur Building sak nan hmun hnih an nei tawh a, ZPM Sorkarah Mizoramin hmel thar a hmuh ngei a beisei tih sawiin Hand Holding Policy in a tum ber chu hmasawnna tluantling leh nghet a ni a, an ngaih pawimawh ber chu thlai thar hralhna Market a ni tih a sawi.
Minister chuan Aizawl khawpui chhung hmun 4-ah thlai thar hralhna tur Wholesale Market an sa dawn a ti a, hmun 2-ah wholesale market sakna tur sum cheng veibelchhe 10-an dawng tawh tih sawiin a hmunhma tur Sihphir leh Melthumahte an en tawh tih a sawi.
