Vawiin khan Agriculture Minister Pu P.C. Vanlalruata chuan a Office-ah IFAD (International Fund for Agricultural Development) leh Mizorama FOCUS (Fostering Climate Resilient Upland Farming Systems in the North East) hotute FOCUS 2.0 lo awm tur chungchang a sawipui. He hunah hian Agriculture Minister Pu P.C. Vanlalruata chuan FOCUS 2.0 kalpuina tura hmalak tawhna leh hmachhawpte chu IFAD FOCUS Implementation Support Team-te chu sawipuiin, buh leh bala Mizoram kan intodelh theih nana thil pawimawh hrang hrangte a tarlang a.
Minister chuan Compact/Cluster Development kalpui a pawimawh thu sawiin, Focus 2.0 pawh tha taka kalpui a nih theih nan theihtawp chhuah turin a fuih a ni. IFAD enkawlna hnuaiah FOCUS project chu hlawhtling takin Mizoramah kalpui a lo ni tawh a, kum 2018 atang khan kum 6 chhung daih turin project hi kalpui a ni. Tunah hian IFAD nen tangkawpin sawrkar chuan FOCUS 2.0 project tur atan ruahmanna a siam mek a ni.
IFAD atanga lokalte hi Pu Piyush Kanal, Project Anchor, IFAD Mission Leader leh Pi Elisabeth Steinmayr, Programme Officer-te an ni a, FOCUS Mizoram atangin Pi Lalengzami Haolai, State Project Director leh Pi Rosy Vanlalmuansangi, Joint Director te’n an tawiawm bawk.
