Sports & Youth Services Department chuan vawiin khan Adventure Training Course chi hrang hrang tunhnaia neihte Certificate semna hun an hmang. He programme ah hian Pu Lalramsanga Sailo, Secretary, Sports & Youth Services chuan Certificate semna hun hmanpuiin, Adventure Course a telte fuihna hun a hmangin midang tan an theihna hmang tangkai turin leh hmasawn zel turin training te pawh theih ang ang kal zel turin a fuih a.
Zirlai an nih anga an zirna ngai pawimawh turin a fuih bawk. Adventure Course a telte atangin Course an telna a hlawk thlak zia ngaih thlak a ni bawk. Pu Lalngilneia Colney, Youth Welfare Officer chuan he hun hi a kaihhruai a. Adventure Course, Rafting and Canoeing Course leh Basic Course camp ah te certificate hlan a ni.
Adventure Course hi ni 15 chhung State Adventure Training Centre, Vaipuanpho ah neih a ni a, Sports & Youth Services Club member mi 29 hnenah Certificate hlan a ni a, Adventure Course hi Mizoram Adventure Couse sang ber a ni a, Adventure Sports tana thil tul leh pawimawh zawng zawng zirna course a ni. Rafting & Canoeing Course hi Chhimtuipui ah ni 10 chhung neih a ni a, Lawngkar dan, Lawng ven dan leh inchhanchhuah dan te zir a ni. Adventure Club member 28 ten certificate hi an dawng a ni.
Basic Adventure camp hi State Adventure Training Centre, Vaipuanpho ah neih a ni a, Adventure bul tanna camp niin, Adventure club member mi 20 ten certificate hi an dawng bawk. Certificate hi mi 77 hnenah hlan a ni.
