Zirtawpni zana Adventist Hospital, Seventh Day Tlang, Aizawl-a buaina thleng chungchangah vawiin khan Police ten mi 4 koin, naktukah Court-ah hruai an ni ang.Vaivakawn Police Station atanga thu dawn danin, Zirtawpni zan khan damdawi-in pawnah intibuai-a insual an awm a, hemi zinga pakhat chu a nakruh a auh avangin General Ward-ah dahluh a ni a.
A sualpui lo na deuh chu a thiante’n chhan tumin ward chhungah hian luh chilhin buaina a chhuak ta a ni. Hemi chungchangah hian Seventh Day Adventist Hospital Medical Superintendent chuan Vaivakawn Police Station ah FIR a thehlut nghal a. Hemi bawhzui hian Police te chuan vawiin khan Vaivakawn Police Station-ah mi 4 – Roderick Thangdingliana Renthlei (32), Zonuam, Lalduhawma Khawlhring (38), Kanan, Lalsangzuala Ralte (33), Luangmual leh Abenego Lalrinawma (31), Chhinga veng a chengte chu koin, man an ni a.
Naktuk lamah Court-a thawn tura tih an ni a. Hetih lai hian damdawi-ina luta kutthlaktu a puhte lam pawh hian buaina intanna a thil thleng avangin Bawngkawn Police Station-ah FIR an thehlut ve tho bawk ni a thu dawn a ni.
