Zirlaiten nun dan tha leh hrisel an neih theih nana zirtirtu in a puih theih nan leh kawng dik a kawhhmuh theih nana zirtirtute buatsaihna tur Training chu nimin khan zawh fel a ni. Training hi SCERT, MSACS, School Education Department leh DAPCC, Aizawl District te thawh honaa buatsaih a ni a, SCERT Auditorium-a Training hi Teachers on School Health Program for implementation of Adolescents education Program at Private School in Mizoram tih niin Aizawl District huam chhunga Private School 25 atangin ziritrtu pahnih theuh an tel a ni.
Training ah hian SCERT Joint Director Dr. Lalduhawmi Thomte leh Dr R. Lalnienga District AIDS Control Officer ten thu an sawi a, Project Coordinator chuan Pi Laldampuii chuan training kalphung leh nihna a sawifiah bawk.
He training ah hian naupangin an kum mila an mamawh taksa leh rilru hrisel an neih theihna atana zirtirna tha leh himdam an dawn theih nana zirtirtu te tuai hriam te leh An than chhohna kawnga harsatna awm theite hmachhawn tura nun dan thiamna naupangin an neih theih nana zirtirna pe tu tur zirtirtute thiamna tihpun te zir ho a ni a, heng bakah hian naupangte chu anmahni leh khawtlang hmasawnna atana thawk chhuak tura chawhphur kawnga zirtirtu te buatsaih bakah an nunkawng tichhe thei ruihhlo hmansual leh mipat hmeichiatna hmansual laka naupang an him theih nan te leh natna tha lo HIV/AIDS leh natna hlauhawm dangte laka naupang an him theih nan zirtirtu in zirtirna tha a pek theih nana buatsaih dan tur te zirho a ni bawk.
