Vawiin khan 16th Finance Commission (XVI-FC) chuan an Chairman Dr. Arvind Panagariya hovin Mizoram an rawn tlawh. Commission member te hi team 2-ah inthenin, a lo thleng hmasa zawk team-ah hian Commission Chairman Dr. Arvind Panagariya leh Commission member: Shri Ajay Narayan Jha, former Finance Secretary, Smt. Annie George Mathew, former Special Secretary of the Department of Expenditure, Dr. Manoj Panda, former Director of the Institute of Economic Growth te bakah Chairman nupui Pi Mrs. Amita Panagariya leh a PS Shri Vivek Kumar, Joint Director te an tel a, chawhnu dar 12:45 ah an lo thleng.
16th Finance Commision te hi Chairman leh Member te hi Lengpui Airport-ah Dr. Vanlalthlana, Hon’ble Minister, Pu TBC Lalvenchhunga, MLA & Advisor to Chief Minister, Pu Khilli Ram Meena, Chief Secretary, Pu Lalmalsawma Pachuau, Planning Secretary leh Official thenkhat ten an lo dawngsawng a. Commission member te hian Hunthar venga lei tlahniam an tlawh nghal a ni.
Ni 4 an cham chhung hian Commission te hian Secretariate Conference Hall-ah Chief Minister leh Mizoram sorkar hnuaia officer lian te nen inkawmhona hun an hman bakah, Chief Secretary Conference Room-ah Chief Minister hovin inkawmna hun an hmang bawk ang. Aijal Club-ah Press Conference an nei bawk ang. Political parties aiawh te, Autonomous District Councils (ADCs) aiawh te, Local Councils aiawh te, Trade & industry aiawh te nen Aijal Club inkawmhona hun an hmang bawk ang. Zoram Medical College & Hospital leh Falkawn Village Council te an tlawh bawk ang.
